بسم الله الرحمن الرحيم
السلام عليكم ورحمة الله وبركاته
شخباركم حبايبي
اليوم يبت لكم كيكة لذيذة
شو اقولكم عن طعمها
خيااااااااال مره تحسين ادمان
كل حين بتاكلون حبه لحد يخلص^^
رفيجتي يايبة الطريقة من النت او كتاب مادري ما سالتها
بامانه لما خبرتني عنها ما تشجعت لما شفت المكونات.. قلت هذي شكلها عادية
لكن سبحان الله طلعت شي عجيب
حتى اخوي الكبير مستحيل ياكل هالحلويات او الكيكات مره ملتزم ف تغذيته ما شاء الله
لكن هالكيكه عيبته وايد وطلب مني اسويله مره ثانية
اعتقد الطعم المميز فيها بسبب الحبة السودا
طولت عليكم>>>> لكن صدق روووعه^^
المقادير:
3بيضات
كوب ونص طحين
ثلاثة ارباع كوب سكر
علبة زبادي
نص كوب زيت
ملعقة فانيلا
ملعقة ونص بكنج باودر
جبن سائل( قابل للدهن)
عسل
حبة سودا
الطريقة:
ننخل الطحين والبكنج باودر ف صحن
نخلط باقي المقادير في الخلاط ما عدا العسل والجبن والحبة السودا
بعدين نصب الخليط على الطحين والبكنج باودر ونخلطهم زين
نصب الخليط في صينية مدهونة ونزين السطح بالجبن ونرش الحبة السودا
وندخلها الفرن من تحت ثم اعلى على نار هادية
بعد ما تجهز نتركها تبرد
اخر شي نقطعها وندهنها بالعسل
وبالعافيه عليكم
في حفظ الله
...